伍晃荣，请走好！
永远怀念你！
“伍晃荣啊，交比你讲体育了”
“好，晤该”
由细听住渠噶波、睇住天气先生长大
晚晚都系六点半晚间新闻送饭
而家好难得再有全家守住一部电视噶时光。世界太大，网线太多。
好难讲好定吾好，不过可以一代人一齐回忆噶items越来越少。
不过起码吾会吾记得：“波系圆嘅”同埋“龙门最好嘅朋友系条门柱”。
收集一D阿盲噶金句，大家一齐怀念下啦！
“波系圆嘅”
“罗拨图.卡路斯脚趾尾拉西....”（里句劲啊~）
“可怜个龙门就好似黄大仙，有球必应”
“吾好呀!吾好呀!吾好吾打啊!”
“呢个世界有样野叫做慢镜重播....”
“岩先个入球太快睇唔清?唔紧要,我地再慢镜睇翻次...”
哗，上BBS一查，原来有甘多！！转载！（大家如果仲知道有乜金句麻烦单声我听啦！吾该！）
1、都话咗啦，波……係圆嘅（通常係完场前入波或者加时最后一刻入波扭转局势时，伍生就会讲呢句嘎嘞）
2、有场比赛，某队连续两次出现乌龙球，伍晃荣于是话：“有乜嘢比送一个大礼更好啊？就係送两个大礼嘞！”
3、救到呢个世界波嘅， 唔係龙门， 而係条柱。几时都话，门柱係龙门最好嘅朋友。
4、通常乌龙波都係靓波。
5、你咁都值几千万呀？(形容球员门前踢失波)
6、葡萄牙个×××想笠过龙门李云在，点知连条横楣都笠过埋……(2002世界杯葡萄牙VS韩国，对葡萄牙队一个射门嘅描述)
7、非常果断嘅朗拿度，犹疑不决咁一脚射入啵。(“阿盲”嘅一时口误)
8、阿积士某后卫被对方前锋推跌，飞燕诺前锋随即射门入网，阿积士后卫同裁判理论，伍晃荣做即时配音——
后卫：佢推我啊，推我先入波嘎！
裁判：教精你啦，禁区里面推人喺合法嘅。
后卫：佢双手推我嘎(边讲边做手势)
裁判：推人就梗喺用双手嘎啦！
后卫：……
9、热刺VS富咸，泰莱扑跌咗戴维斯，球证判罚十二码，泰莱抗议，伍晃荣配音——
泰莱：自己插水丫！……自己插水丫！
球证：睬你都多余嘅！
10、车路士VS列斯联，马迪奥面对自摆乌龙跪地不起，伍记话：“起身啦！唔错都错咗咯！”
11、朗拿度好波果阵真係好好波嘎。
12、有次车神舒麦加表代明星队踢国际友谊赛/表演赛时，射咗球冇力嘅跶Q波，伍晃荣就话：“你都係返去揸车啦！”
13、啲球员输波之后，假如捂住面，训晒喺係地下嘅话，佢会话：“哎呀，唔得咪下次咯，使乜咁喈，傻猪嚟嘅。”
14、大家千祈唔好以为呢场波好紧张啊，其实係我讲得紧张咋！(2002世界杯克罗地亚VS墨西哥嘅比赛，全场闷到抽筋)
15、阿根廷某赛季联赛最尾个场，唔知边队好似出晒d后备，佢就话：“留力嚟做乜？留力下季唔得呀？”
16、有次有场比赛个球证係咁出错，第一次佢就话：“球证出错好平常。”第二次就话：“球赛出错係好平常。”到第三次，佢就话：“球证出错，又出错？”
17、有次，一个球员好激动咁双手揽住主裁个头，以示抗议，伍晃荣就话：“唔好再玩啦！会死人架！”
18、好耐之前有次巴西联赛，个右闸喺度插花玩嘢，点知俾人偷咗个波，仲俾人射入埋添，伍晃荣于是就话：“反（玩）啦， 反（玩）啦，反（玩）死啦。”
19、有次李健和（香港某球员）喺小禁区一接即抽，抄飞机，伍晃荣就话：“港联对瑞典李健和接应长传第一时间抽射。。。。。。呢个係李健和嘅看家本领， 不过佢当fit果时射都係咁上下。”
20、伍晃荣话：“一队波真係需要一个好龙门，以下係两个例子——云达沙同巴夫斯。上季阿仙奴次循环对富咸，云达沙玩野，卖弄脚法，俾雷耶斯抢咗仲射入埋添！”
21、有球波，两三码门前点知射飞机，伍晃荣就话：“拿~~~你睇下，某某球员而家表演唔入重难过入！”
22、当碧咸啱啱嚟到皇马嘅时候，伍记喺咁描述嘅：“卡路士教碧咸讲西班牙话，岂知更衣室处，尽喺西班牙粗口，莫非卡路士教碧咸嘅係。。。。。。”
23、碧咸式罚球，笑大人个口。(形容米赫洛域嘅罚球)
24、佢地输嘅并唔喺实力, 而係少少嘅运气。
25、有次唔记得边道嘅联赛，伍晃荣话：“有个罚球喺右路偏左，唔係唔係，係右路偏右至啱。”差唔多到边线位置，个球员跟住一射入咗，大约离门四十码位置左右，于是佢话：“大家落足眼力去睇嘞！皮球好似有生命嘅怪物咁飞入网窝，可怜嘅守门员连波皮都掂唔到。”
26、当碧咸啱啱嚟到皇马嘅时候，伍记喺咁描述嘅：“卡路士教碧咸讲西班牙话，岂知更衣室处，尽喺西班牙粗口，莫非卡路士教碧咸嘅係。。。。。。”
27、费高生日嘅时候入波，伍晃荣话：“费高，生日快乐！”
28、一场寒冬里进行的美式足球赛事,有嗰球员换落场之后除咗头盔,因为天气冻而且该名运动员啱离场体温教高,导致他的光头直出白烟,伍SIR讲咗句:"暂时落后啧,都唔使嬲到出嗮烟啊嘛:"
29、米卢话,如果渠带既中国队入吾到世界杯决赛圈,讵会系长城度跳落来----哈,吾知系咪第二级呢?
30、此一时不如那一肘(指车路士)
31、"飞机撞山,唔通系个山噶错咩?"
无线电视记者伍晃荣报道。
P.S. 所以呢~吾怪得我地顶吾顺CCTV果班傻仔嘎！
